Background of Sculptor Khmer's SUN SETH

ជីវប្រវត្តិសង្ខេបពីលោកពុក;✍️ គាត់មានឈ្មោះស៊ុន សិទ្ធ ឈ្មោះហៅក្រៅក្នុងគ្រួសារ (👴ឃ្លោក) ឈ្មោះអ្នកភូមិតែងតែហៅគ្រប់ៗគ្នាគឺ(👴តាព្រះ[ពាក្យតានឹងមិនមែនមានន័យអីផ្សេងទេណា​ គេហៅគាត់ចឹងពីព្រោះគាត់ចាស់ហើយចឹងទៅហើយធ្វើរូបព្រះអីផង អ្នកភូមិក៏ហៅតាធ្វើព្រះ ស្រួលចាំ ពេលយូរៗទៅក៏ជាប់ហៅតែតាព្រះៗចឹងទៅ បាត់ពាក្យធ្វ់ើនៅសល់តែពាក្យ តាព្រះៗ]សព្ធថ្ងៃមានអាយុ៦៨ឆ្នាំ ទីលំនៅបច្ជុប្បន្នស្ថិតនៅភូមិវត្តរំដួល ឃុំចំការសំរោង ស្រុកបាត់ដំបង ខេត្តបាត់ដំបង​។ គាត់មានស្រុកកំណើតនៅខេត្តកំពង់ចាម ហើយកាលអាយុ១៧ឆ្នាំដោយមាននិស្ស័យពីធម្មជាតិមកផងនោះ គាត់ក៏បានទៅសុំរៀនសូត្រផ្នែកជាងគំនូរ ពីអ្នកគូរពុទ្ធប្រវត្តិ នៅលើជញ្ចាំងព្រះវិហារម្នាក់ នៅក្នុងទីរួមខេត្តកំពង់ចាម។បន្ទាប់ពីបានរៀនរួចខ្លះៗ គំនូរដែរគាត់គូរដំបូងគេបង្អស់គឺនៅលើជញ្ចាំងព្រះវិហារនៅលើភ្នំប្រុស ។ក្រោយពីមានការចេះដឹងផ្នែកគំនូរនេះរួចមកហើយ គាត់បានធ្វើដំណើរ មកកាន់ទីក្រុងភ្នំពេញដើម្បីស្វែងរូបអាជីពជាជាងគំនូរ។ពេលនោះគាត់ក៏បានត្រូវគេ ជ្រើសរើសអោយធ្វើេជាជាងគំនូរនៅក្នុងស្ទីឌីយោអោយតារាភាពយន្តល្បីឈ្មោះម្នាក់ លោកវណ្ណ វណ្ណះ។រីឯកាលនៅក្នុង សម័យសាធារណរដ្ឋខ្មែរ របស់លោកសេនាប្រមុខលន់ ណុល ក្រៅពីអាជីពជាជាងគំនូរ គាត់ក៏ធ្លាប់ជាយុទ្ធជនម្នាក់ នៃកងកម្លាំងរបបសាធារណរដ្ឋខ្មែរផងដែរ។ក្រោយថ្ងៃ១៧ មេសា ១៩៧៥ គាត់ត្រូវបានពួកខ្មែរក្រហម ប៉ុលពត ជំលៀសអោយទៅរស់នៅក្នុងស្រុកម៉ោងឬស្សី ខេត្តបាត់ដំបង។ក្រោយថ្ងៃ៧មករា ឆ្នាំ១៩៧៩ គាត់ក៏បានចូលបម្រើការងារនៅ មន្ទីរឃោសនាការវប្បធម៍ ខេត្តបាត់ដំបង ផ្នែកវិចិត្រករ។ជាមួយនឹងការងារជំនាញ នៅមន្ទីរឃោសនាវប្បធម៍ខេត្ត គាត់ក៏មានឱកាសចេញទៅប្រកបមុខរបរ ជាជាងគំនូរនៅតាមវត្តនានា នៅក្នុងខេត្តបាត់ដំបងផងដែរ។រូបគំនូរនិយាយអំពីពុទ្ធប្រវត្តិ នៅតាមបណ្តាលមូលដ្ឋាននានា នៅក្នុងខេត្តបាត់ដំបង ស្ទើរតែ១០០% គឺជាស្នាដៃរបស់ពុកខ្ញុំ។ប៉ុន្តែជាអកុសលអាក្រក់ នៅឆ្នាំ១៩៩៣គាត់បានជួបប្រទះនូវគ្រោះថ្នាក់ចរាចរណ៌ ដ៏ធ្ងន់ធ្ងរមួយរហូតដល់បាក់ជើង ព្យាបាលអស់ជាច្រើនខែ ទើបអាចធ្វើដំណើរតិចៗវិញបាន។ដោយសារការពិការជើងបែបនេះ គាត់មិនអាចធ្វើដំណើរទៅប្រកបមុខរបរជាជាងគំនូរ នៅតាមព្រះវិហារឆ្ងាយៗដូចមុនទៀតបានទេ។ពេលនោះគាត់ក៏មានគំនិតគិតចង់ធ្វើជាជាងសូនរូបវិញម្តង ព្រោះការងារនេះធ្វើនៅតែក្នុងបរិវេនផ្ទះតែប៉ុណ្ណោះ មិនត្រូវ ត្រូវដើរទៅឆ្ងាយ។ទោះបីគាត់មិនមានមុខជំនាញខាងសិល្បសូន នឹងមិនមានគ្រូបង្រៀនដូចខាងគំនូរពីមុនមកក៏ពិតមែន តែដោយសារទេពកោសល្យពីធម្មជាតិនឺងដុងពីកំណើតខ្លះផង គាត់ក៏អាចធ្វើបានជារឿយៗដោយខ្លួនឯង ពីមួយថ្ងៃទៅមួយថ្ងៃស្នាដៃរបស់គាត់ក៏ចាប់ផ្តើមរស់រវើកទៅៗ នឹងអាចយកប្រកបជាមុខរបរអាជីពបានជំនួសការដើរគូរ នៅតាមវត្តដូចពីមុនផងដែរ។ ក្រោយមកគាត់ក៏មានកូនសិស្សជាច្រើនដែរបានមករៀនពីលោកផងដែរ មានអ្នកខ្លះគេមិនអាចចាប់បានក៏បោះបង់ ហើយក៏មានអ្មកចាប់ចំណេះបាន គេក៏ចេញប្រកបរបរផ្ទាល់ខ្លួនដោយខ្លួនឯងនៅតាមទីកន្លែងរបស់គេទៅ។សព្វថ្ងៃគាត់មានអាយុ៦៨ឆ្នាំហើយលោកមិនសូវជាមានកម្លាំងរឹងមាំដូចពីមុនប៉ុន្មានទេ កូនជាងក៏មិនសូវមានដូចមុនដែរ ពីព្រោះមិនមានកម្លាំងនឹងបង្រៀនគេដូចមុនៗ ប៉ុន្តែស្នាដៃគឺនៅល្អនៅអាចធ្វើបានដដែលនឹងមានអ្នកនៅតែបន្តកម្មង់ជារឿយៗ ហើយសព្វថ្ងៃគឺនៅធ្វើតែម្នាក់ឯងមិនមានទទួលកូនជាងដូចមុនទៀតទេ។ហេតុដូចនេះហើយទើបខ្ញុំបានបង្កើតPageមួយនេះឡើង ដើម្បីចង់រក្សាស្នាដៃសិល្បៈមួយនេះទុកអោយបានគង់វង្ស នឹងចងក្រងស្នាដៃទាំងប៉ុន្មានទុកជាអនុស្សាវរីយ៌នៃសិល្បៈ។ដូចច្នេះហើយសូមបងប្អូន លោកពូអ្នកមីង លោកតាលោកយាយ អ៊ំុប្រុសអ៊ំុស្រី នឹងមិត្តៗអ្នកលេងFacebookទាំងអស់ ជួយគាំទ្រPageតាព្រះផង ដើម្បីអោយគាត់មានកម្លាំងចិត្ត នឹងជួយលើកស្ទួយសិល្បៈនៃការសូនរូបនេះតាមដែរអាចធ្វើទៅបានផងណា,សូមអរគុណ។🙏🙏🙏🙏🙏 Please,Support our Khmer handmade our Khmer people!<3 👨‍👩‍👧‍👦👨‍❤️‍👨👩‍❤️‍👩💑 👉 កន្លែងយើងខ្ញុំមានទទួលស្អាងព្រះគ្រប់ប្រភេទ ទទួលធ្វើសុីង ទទួលធ្វើរូបដីឆ្នាំទាំង១២ដែរសំរាប់អ្នកត្រូវធ្វើពិធីរំដោះគ្រោះ នឹងទទួលសូនរូបចម្លាក់តូចធំគ្រប់ប្រភេទ បើបងប្អូនចង់កម្មង់ឬជាវរូបដូច ឬក៏រូបចម្លាក់ផ្សេងៗ អាចទំនាក់ទំនងមកខាងខ្ញុំបានណា៎ តាមរយះលេខទូរស័ព្ទរឺអាស័យដ្ឋានដូចខាងក្រោម👇 🏡#អាស័យដ្ឋាន: ផ្លូវ156 ផ្ទះលេខ10 ភូមិវត្តរំដួល សង្កាត់ចំការសំរោង ក្រុងបាត់ដំបង ☎☎077493922 Please,View,like,share and subscribe to motivate Khmer arts!Please enjoy your time with my page of our handmade and encourage our people:):);)Best regards,Cambodian! 👉#Youtube: https://www.youtube.com/watch?v=o6tdnRLYX3M&feature=share