របៀបធ្វើ ពោះវៀនជ្រូកអាំង

គ្រឿងផ្សំ

ពោះវៀនជ្រូក
ខ្ទឹមក្រហម
ខ្ទឹមបារាំង
គល់ស្លឹកគ្រៃ
ម្ទេសឆា ១ស្លាបព្រាបាយកន្លះ
ប្រេងឆា
ទឹកក្រូចឆ្មារ ៣ស្លាបព្រាបាយ
ម្ទេស
ទឹកត្រី ២ស្លាបព្រាបាយកន្លះ
ស្ករ ១ស្លាបព្រាបាយកន្លះ

របៀបធ្វើ

យកពោះវៀនជ្រូក មកខ្លាញ់ចេញអោយស្អាត លាងទឹក ច្របាត់អោយស្អាត។
បុកខ្ទឹមក្រហម ខ្ទឹមបារាំង និងគល់ស្លឹកគ្រៃអោយល្អិត រួចយកទៅប្រលាក់ជាមួួួយ ពោះវៀន និងម្ទេសឆាអោយសព្វផ្អាប់ទុក ៣០នាទី។
យកចង្កាក់ឬស្សីមកដោតពោះវៀន តាមការចូលចិត្ត រួចយកទៅអាំង ដោយឧស្សាហ៍ប្រែចុះប្រែឡើង រាល់ពេលប្រែ យកប្រេងឆាមកលាបពីលើតិចៗ ធ្វើបែបនេះដដែលៗរហូតដល់សាច់ឆ្អឹនល្អ។
ហាន់ខ្ទឹមម្រហម និងម្ទេសស្តើងៗដាក់ក្នុងចានមួយ រួចដាក់ទឹកក្រូចឆ្មារ ទឹកត្រី និងស្ករលាយជាមួយគ្នាអោយសព្វ ពេលញាំយកសាច់ជ្រលក់ជាមួយជាការស្រេច៕

Comments

របៀបធ្វើផាកឡូវឆ្ងាញ់

គ្រឿងផ្សំ - គ្រឿងក្នងជ្រូក 4 គីឡូក្រាម(អណ្តាត ស្លឹកត្រចៀក ពោះវៀន ក្រពះ) -ឈើអែម 3 (អាំងប្រហែល បីនាទី) -ផ្កាចាន់ 7 ផ្កា(អាំងប្រហែល3នាទី) -ទឹកត្រី 3 ស្លាបព្រាបាយ -ម្សៅស៊ុប2 ស្លាបព្រាបាយ -អំបិលកន្លះស្លាបព្រាបាយ -ខ្ទឹមសចព្រ្ចាាំ 1 ស្លាបព្រាបាយ -ស្ករ 2 ខាំ -ទឹក 1 កូនចានចង្កិះ គ្រឿងផ្សំទឹកត្រី -ស្ករ 150 ក្រាម -ទឹកក្រូចឆ្មារកន្លះកូនចានចង្កិះ -ទឹកត្រីកន្លះកូនចានចង្កិះ -ខ្ទឹមស 9 កំពឹស -ម្ទេស 10 គ្រាប់ របៀបធ្វើ 1.យកសាច់លាងជាមួយអំបិលទឹកខ្មេះ និងទឹកក្តៅអុនៗលាងបីបួនទឹកស្អាតអស់រំអិល។ 2.ដាក់ទឹកនិងស្ករក្នុងឆ្នាំងបើកភ្លើងតិចៗរួចដាក់ខ្ទឹមសចព្រ្ចាាំចូលកូអោយរលាយស្ករ សឹមដាក់ផ្កាចាន់ និងឈើអែម (អាំងក្តៅៗ)កូអោយស្ករឡើងពណ៌ក្រហមល្អ។ 3.ដាក់ទឹកត្រីនិងអំបិលចូលកូពីបីត្រឡប់ សឹមដាក់សាច់ និងម្សៅស៊ុបចូលកូអោយសព្ធទុកអោយពុះ(បើទឹកតិចពេក អាចបន្ថែមទឹករំងាស់អោយផុយសាច់ និងស្ងួតទឹកល្អ)។ របៀបធ្វើទឹកត្រី 1.កិនម្ទេស និងខ្ទឹមអោយម៉ត់ រួចដាក់ក្នុងចានមួយ ដាក់ទឹកក្រូចឆ្មារ និងស្ករចូលកូអោយសព្ធទុកចោល 10 នាទី សឹមចាក់ទឹកត្រីចូលកូអោយសព្ធជាការស្រេច។

របៀបធ្វើនំចាក់ចុល

គ្រឿងផ្សំ ម្សៅអង្ករដំណើបលាយខ្សាយ ពាក់កណ្តាលម្នាក់ ស្ករ មេដំបែ ខ្លាញ់ សង្កេត៖ បើដាក់ម្សៅខ្សាយសុទ្ធ នំរឹង បើដាក់ម្សៅដំណើបសុទ្ធ នំស្រូបខ្លាញ់ជោគជាំ។ របៀបធ្វើ ១- លាយម្សៅអង្ករ ម្សៅមួយ ទឹកពីរ វាល់នឹងកូនពែងអាកោ ដាក់មេដំបែមួយគ្រាប់ ស្ករ១ស្លាបព្រា កូរអោយសព្វសាច់ម្សៅ ទុកចោល មួយយប់មួយថ្ងៃ អោយម្សៅឡើង។ បើមេដំបែល្អ ម្សៅនឹងឡើងខ្សុរឆាប់។ ២- ស្អែកឡើង លាយម្សៅមួយកំប៉ុង ទឹកពីរកំប៉ុង ស្ករ២វែក និង មេម្សៅដែលលាយពីម្សិលមិញ យកមកចាក់ចូលគ្នា លាយអោយសព្វ ដាក់ទុកចោល មួយម៉ោង អោយម្សៅឡើង។ ៣- បើចង់ក្រអូប បុកស្លឹកតើយ ពូតយកទឹកខាប់ ដាក់ថែម លើម្សៅនេះ ពីរទៅបីស្លាបព្រា។ ៤- ពេលម្សៅឡើងហើយ ទើបយកទៅ ចាក់បំពង នៅក្នុងខ្ទះដែលមានខ្លាញ់ក្តៅ តែកុំអោយក្តៅខ្លាំងពេក នំនឹងផ្ទុះ ធ្វើអោយរលាកយើង។ សូមសាកមួយពីរសិន បើរឹង អាចថែមទឹកទៀតបាន។ បើមេអាកោ កាច់មិនសូវល្អ នំចាក់ឆុរ មិនសូវឡើងទេ ហើយនំក៏រឹងទៅតាមនោះដែរ។ បើកាច់ល្អ នំមានរសជាតិទាន់ ហើយផ្អែមឆ្ងាញ់ណាស់។

របៀបធ្វើ នំចាខ្វៃ

គ្រឿងផ្សំ ម្សៅមី ២០០ ក្រាម + ម្សៅមី ១០០ក្រាម ទុកច្របាច់ម្សៅ មេនំបុ័ង ៤ក្រាម ម្សៅដុតនំ (baking soda) ១០ក្រាម ស្ករ ១៥ក្រាម ទឹកដោះគោ ១៧៥ក្រាម អំបិល ៥ក្រាម ប្រេងសម្រាប់ចៀនឬបំពង វិធីធ្វើ លាយម្សៅដុតនំជាមួយស្ករ, បន្ទាប់មកកូរមេបុ័ងជាមួយទឹកដោះគោឱ្យរលាយ។ បន្ទាប់មកចាក់ទឹកដោះគោយឺតៗចូលក្នុងចានជាមួយនឹងម្សៅ។ ច្របាច់ម្សៅរហូតទន់ចូលគ្នាល្អ បន្ទាប់មក យកម្សៅទៅអប់ ពេលម្សៅរីកធំ យកម្សៅចេញរយម្សៅមីពីលើរួចច្របល់រហូតម្សៅស្វិត រួចយកទៅអប់ទុក ១៥-២០នាទី ឱ្យម្សៅឡើងម្ដងទៀត។ លាបប្រេងតិចលើជ្រុញ យកម្សៅមកលុញឱ្យស្ដើងល្មម ដូចក្នុងរូប ប្រើកាំបិតដើម្បីកាត់ម្សៅកម្រាស់ ១សម និងប្រវែង ៥-៨សម ។ កំដៅប្រេងដាក់សីតុណ្ហភាព ៨០អង្សាសេ បន្ទាប់មកយកម្សៅដាក់ចូលចៀន ពេលឡើងពណ៍ត្នោតត្រឡប់មកវិញ ទុកឱ្យឡើងត្នោតសងខាងគឺបានហើយ៕

Phum Artist

Search This Blog