របៀបធ្វើតៅហ៊ូស្រូបទឹកស្ករ

គ្រឿងផ្សំ
- សណ្តែកសៀង ៣ខាំ
- ម្សៅសារាយ ១ស្លាបព្រាកាហ្វេ

របៀបធ្វើ ៖
១- យកសណ្តែកសៀង ៣ខាំ ត្រាំជាមួយទឹកក្តៅ ចំនួន៣ម៉ោង រួចហើយ ញីសំបកចេញ លាងសំរកអោយស្អាត

២- យកសណ្តែងសៀង ដាក់កិនជាមួយទឹក១លីត្រ រួចហើយច្រោះ ច្របាច់យកកាកចេញ យកតែទឹកសណ្តែកសុទ្ធ

៣- យកទឹកសណ្តែកសុទ្ធ ទៅលាយជាមួយនិងម្សៅសារាយ ១ស្លាបព្រាកាហ្វេ កូរអោយសព្វ

៤- បន្ទាប់មក យកទៅដាំអោយពុះ រេចៗ ១០នាទី ទើបលើកចុះ ទុកអោយត្រជាក់ រួចលើកដាក់ទូត្រជាក់ អោយកកជាកំណកតៅហ៊ូយ៉ាងទន់ល្មើយ ។

៥- នៅពេលដាំទឹកស្ករ សូមដាក់អំបិលបន្តិច និងដាក់ខ្ញីមួយបន្ទះ ដើម្បីយកក្លិន

៦- អ្នកចូលចិត្តតៅហ៊ូក្តៅ អាចស្រូបទឹកស្ករក្តៅបាន ។ បើចង់ត្រជាក់ សូមរង់ចាំអោយទឹកស្ករត្រជាក់ សឹមដួសស្រូបតៅហ៊ូ

៧- បើមិនមានម្សៅសារាយ អាចប្រើម្សៅពោតជំនួសក៏បាន ១ស្លាបព្រាសារាយ ឬ ២ស្លាបព្រាម្សៅពោត

៨- បើចង់ទន់ល្អ ច្របាច់ក្រូចឆ្មារដាក់ចូលទឹកសណ្តែក នៅពេលកំពុងដាក់ដាំអោយពុះ ៕ប្រភព

Comments

របៀបធ្វើនំចាក់ចុល

គ្រឿងផ្សំ ម្សៅអង្ករដំណើបលាយខ្សាយ ពាក់កណ្តាលម្នាក់ ស្ករ មេដំបែ ខ្លាញ់ សង្កេត៖ បើដាក់ម្សៅខ្សាយសុទ្ធ នំរឹង បើដាក់ម្សៅដំណើបសុទ្ធ នំស្រូបខ្លាញ់ជោគជាំ។ របៀបធ្វើ ១- លាយម្សៅអង្ករ ម្សៅមួយ ទឹកពីរ វាល់នឹងកូនពែងអាកោ ដាក់មេដំបែមួយគ្រាប់ ស្ករ១ស្លាបព្រា កូរអោយសព្វសាច់ម្សៅ ទុកចោល មួយយប់មួយថ្ងៃ អោយម្សៅឡើង។ បើមេដំបែល្អ ម្សៅនឹងឡើងខ្សុរឆាប់។ ២- ស្អែកឡើង លាយម្សៅមួយកំប៉ុង ទឹកពីរកំប៉ុង ស្ករ២វែក និង មេម្សៅដែលលាយពីម្សិលមិញ យកមកចាក់ចូលគ្នា លាយអោយសព្វ ដាក់ទុកចោល មួយម៉ោង អោយម្សៅឡើង។ ៣- បើចង់ក្រអូប បុកស្លឹកតើយ ពូតយកទឹកខាប់ ដាក់ថែម លើម្សៅនេះ ពីរទៅបីស្លាបព្រា។ ៤- ពេលម្សៅឡើងហើយ ទើបយកទៅ ចាក់បំពង នៅក្នុងខ្ទះដែលមានខ្លាញ់ក្តៅ តែកុំអោយក្តៅខ្លាំងពេក នំនឹងផ្ទុះ ធ្វើអោយរលាកយើង។ សូមសាកមួយពីរសិន បើរឹង អាចថែមទឹកទៀតបាន។ បើមេអាកោ កាច់មិនសូវល្អ នំចាក់ឆុរ មិនសូវឡើងទេ ហើយនំក៏រឹងទៅតាមនោះដែរ។ បើកាច់ល្អ នំមានរសជាតិទាន់ ហើយផ្អែមឆ្ងាញ់ណាស់។

របៀបធ្វើនំក្រូច

គ្រឿងផ្សំៈ 👉 ម្សៅដំណើប ៣០០ក្រាម 👉 ម្សៅខ្សាយ ២០០ ក្រាម 👉 ម្សៅឡើង ឬម្សៅដុតនំ - ៥ ក្រាម ឬ១ស្លាបព្រាកាហ្វេ (Baking Powder) 👉 សណ្តែកខៀវបកសំបករួច ២៥០ក្រាម 👉 ល្ង ២ស្លាបព្រាបាយ 👉 ស្ករស ២០០ ក្រាម 👉 ខ្លាញ់ ១ ទៅ ២លីត្រ (ប្រេងឆា ឬខ្លាញ់សម្រាប់ចៀន ច្រើនល្មមអាចចៀនមួយលិចនំ) របៀបធ្វើៈ 👍 លាងសណ្តែកខៀវ ៣ ទឹកឲស្អាត ហើយត្រាំ ៣០នាទី 👍 លាយម្សៅដំណើប ម្សៅខ្សាយ និងម្សៅឡើង ឬម្សៅនំដុត រួចចាក់ទឹកប្រហែល ៣០០ មីលីលីត្រ រួចច្របាច់ម្សៅអោយសប់ល្អ ហើយទុក ៣០នាទីមួយអន្លើរ ។ ការទុកនេះដើម្បីអោយម្សៅឡើង ដំណើរការ ហើយពេលចៀនទៅវាប៉ោងល្អ ។ កំណត់សំគាល់ៈ ដាក់ម្សៅឡើងមិនអោយច្រើនជាង១ស្លាបព្រាកាហ្វេទេ ក្នូងចំនួនម្សៅខាងលើ មិនដូច្នេះទេ ពេលចៀនម្សៅឡើងនឹងធ្វើអោយនំផ្ទុះខ្លាញ់ ។ 👍 យកសណ្តែកដែលត្រាំទឹករួច មកដាក់ដាំដូចដាំបាយ ។ បើមានឆ្នាំងដាំបាយអគ្គីសនីកាន់តែល្អ ដោយសារវាមិនធ្វើអោយខ្លោចបាតឆ្នាំង ។ សណ្តែកឆ្អិនក្នុងរយៈពេលប្រមាណ ១៥នាទី ។ 👍 យកសណ្តែកដែលស្ងោរឆ្អិនរួច មកកិន ឬបុកជាមួយស្ករស ២៥០ក្រាមអោយម៉ត់ចូលគ្នាបានល្អ រួចមូលជាដំុៗប៉ុនពងក្រួច ឬធំជាងនេះតាមចំណូលចិត្តស្នូលនំក្រូច ។ 👍 ដាក់ខ្លាញ់ក្នុងខ្ទះ និងបើកភ្លើងអោយក្តៅ 👍 យកខ្លាញ់បន

របៀបធ្វើ នំចាខ្វៃ

គ្រឿងផ្សំ ម្សៅមី ២០០ ក្រាម + ម្សៅមី ១០០ក្រាម ទុកច្របាច់ម្សៅ មេនំបុ័ង ៤ក្រាម ម្សៅដុតនំ (baking soda) ១០ក្រាម ស្ករ ១៥ក្រាម ទឹកដោះគោ ១៧៥ក្រាម អំបិល ៥ក្រាម ប្រេងសម្រាប់ចៀនឬបំពង វិធីធ្វើ លាយម្សៅដុតនំជាមួយស្ករ, បន្ទាប់មកកូរមេបុ័ងជាមួយទឹកដោះគោឱ្យរលាយ។ បន្ទាប់មកចាក់ទឹកដោះគោយឺតៗចូលក្នុងចានជាមួយនឹងម្សៅ។ ច្របាច់ម្សៅរហូតទន់ចូលគ្នាល្អ បន្ទាប់មក យកម្សៅទៅអប់ ពេលម្សៅរីកធំ យកម្សៅចេញរយម្សៅមីពីលើរួចច្របល់រហូតម្សៅស្វិត រួចយកទៅអប់ទុក ១៥-២០នាទី ឱ្យម្សៅឡើងម្ដងទៀត។ លាបប្រេងតិចលើជ្រុញ យកម្សៅមកលុញឱ្យស្ដើងល្មម ដូចក្នុងរូប ប្រើកាំបិតដើម្បីកាត់ម្សៅកម្រាស់ ១សម និងប្រវែង ៥-៨សម ។ កំដៅប្រេងដាក់សីតុណ្ហភាព ៨០អង្សាសេ បន្ទាប់មកយកម្សៅដាក់ចូលចៀន ពេលឡើងពណ៍ត្នោតត្រឡប់មកវិញ ទុកឱ្យឡើងត្នោតសងខាងគឺបានហើយ៕

Phum Artist

Search This Blog