របៀបធ្វើ ឆាម្នាស់សាច់មាន់

គ្រឿងផ្សំ

ម្នាស់ ១គីឡូ ២ខាំ
សាច់មាន់ ១គីឡូ (ចិតអោយស្អាត ហាន់តូចៗល្មម)
ស្លឹកខ្ទឹម ៥ដើម (ហាន់វែងៗ បញ្ឆិតៗ)
ស្ករ ១ស្លាបព្រាបាយ
ម្សៅស៊ុប ១ស្លាបព្រាកាហ្វេ
អំបិល កន្លះស្លាបព្រាបាយ
ទឹកត្រី ១ស្លាបព្រាបាយ
ប្រេងឆា ២ស្លាបព្រាបាយ
ប្រេងខ្យង ១ស្លាបព្រាបាយ
ខ្ទឹមសចញ្រ្ចាំ ២ស្លាបព្រាបាយ
ទឹក ៤ស្លាបព្រាបាយ

របៀបធ្វើ

ដាំខ្ទះដាក់ប្រេងឆាអោយក្តៅ ដាក់ខ្ទឹមបំពងអោយប្រែពណ៌ សឹមដាក់សាច់មានចូល រួចដាក់អំបិល ស្ករ ប្រេងខ្យង ម្សៅស៊ុប និងទឹកត្រីកន្លះស្លាបព្រាបាយ កូអោយសព្វគ្រប់ចោលប្រហែល ១០នាទី។
បន្ទាប់មកដាក់ម្នាស់ ឆាអោយសព្វ សឹមដាក់ទឹកឆាអោយសព្វម្តងទៀត គ្រប់ចោល៥នាទី។
បន្ទាប់មកដាក់ទឹកត្រីដែលនៅសល់ និងស្លឹកខ្ទឹមឆាអោយសព្វជាការស្រេច៕

Comments

រូបចម្លាក់ ព្រះបាទជ័យវរ្ម័នទី៧

រូបចម្លាក់ ជ័យវវ្ម័នទី័័៧ សូន្យដោយជាង ស៊ុនសិទ្ធ (បាត់ដំបង)

របៀបធ្វើនំក្រូច

គ្រឿងផ្សំៈ 👉 ម្សៅដំណើប ៣០០ក្រាម 👉 ម្សៅខ្សាយ ២០០ ក្រាម 👉 ម្សៅឡើង ឬម្សៅដុតនំ - ៥ ក្រាម ឬ១ស្លាបព្រាកាហ្វេ (Baking Powder) 👉 សណ្តែកខៀវបកសំបករួច ២៥០ក្រាម 👉 ល្ង ២ស្លាបព្រាបាយ 👉 ស្ករស ២០០ ក្រាម 👉 ខ្លាញ់ ១ ទៅ ២លីត្រ (ប្រេងឆា ឬខ្លាញ់សម្រាប់ចៀន ច្រើនល្មមអាចចៀនមួយលិចនំ) របៀបធ្វើៈ 👍 លាងសណ្តែកខៀវ ៣ ទឹកឲស្អាត ហើយត្រាំ ៣០នាទី 👍 លាយម្សៅដំណើប ម្សៅខ្សាយ និងម្សៅឡើង ឬម្សៅនំដុត រួចចាក់ទឹកប្រហែល ៣០០ មីលីលីត្រ រួចច្របាច់ម្សៅអោយសប់ល្អ ហើយទុក ៣០នាទីមួយអន្លើរ ។ ការទុកនេះដើម្បីអោយម្សៅឡើង ដំណើរការ ហើយពេលចៀនទៅវាប៉ោងល្អ ។ កំណត់សំគាល់ៈ ដាក់ម្សៅឡើងមិនអោយច្រើនជាង១ស្លាបព្រាកាហ្វេទេ ក្នូងចំនួនម្សៅខាងលើ មិនដូច្នេះទេ ពេលចៀនម្សៅឡើងនឹងធ្វើអោយនំផ្ទុះខ្លាញ់ ។ 👍 យកសណ្តែកដែលត្រាំទឹករួច មកដាក់ដាំដូចដាំបាយ ។ បើមានឆ្នាំងដាំបាយអគ្គីសនីកាន់តែល្អ ដោយសារវាមិនធ្វើអោយខ្លោចបាតឆ្នាំង ។ សណ្តែកឆ្អិនក្នុងរយៈពេលប្រមាណ ១៥នាទី ។ 👍 យកសណ្តែកដែលស្ងោរឆ្អិនរួច មកកិន ឬបុកជាមួយស្ករស ២៥០ក្រាមអោយម៉ត់ចូលគ្នាបានល្អ រួចមូលជាដំុៗប៉ុនពងក្រួច ឬធំជាងនេះតាមចំណូលចិត្តស្នូលនំក្រូច ។ 👍 ដាក់ខ្លាញ់ក្នុងខ្ទះ និងបើកភ្ល...

របៀបធ្វើនំចាក់ចុល

គ្រឿងផ្សំ ម្សៅអង្ករដំណើបលាយខ្សាយ ពាក់កណ្តាលម្នាក់ ស្ករ មេដំបែ ខ្លាញ់ សង្កេត៖ បើដាក់ម្សៅខ្សាយសុទ្ធ នំរឹង បើដាក់ម្សៅដំណើបសុទ្ធ នំស្រូបខ្លាញ់ជោគជាំ។ របៀបធ្វើ ១- លាយម្សៅអង្ករ ម្សៅមួយ ទឹកពីរ វាល់នឹងកូនពែងអាកោ ដាក់មេដំបែមួយគ្រាប់ ស្ករ១ស្លាបព្រា កូរអោយសព្វសាច់ម្សៅ ទុកចោល មួយយប់មួយថ្ងៃ អោយម្សៅឡើង។ បើមេដំបែល្អ ម្សៅនឹងឡើងខ្សុរឆាប់។ ២- ស្អែកឡើង លាយម្សៅមួយកំប៉ុង ទឹកពីរកំប៉ុង ស្ករ២វែក និង មេម្សៅដែលលាយពីម្សិលមិញ យកមកចាក់ចូលគ្នា លាយអោយសព្វ ដាក់ទុកចោល មួយម៉ោង អោយម្សៅឡើង។ ៣- បើចង់ក្រអូប បុកស្លឹកតើយ ពូតយកទឹកខាប់ ដាក់ថែម លើម្សៅនេះ ពីរទៅបីស្លាបព្រា។ ៤- ពេលម្សៅឡើងហើយ ទើបយកទៅ ចាក់បំពង នៅក្នុងខ្ទះដែលមានខ្លាញ់ក្តៅ តែកុំអោយក្តៅខ្លាំងពេក នំនឹងផ្ទុះ ធ្វើអោយរលាកយើង។ សូមសាកមួយពីរសិន បើរឹង អាចថែមទឹកទៀតបាន។ បើមេអាកោ កាច់មិនសូវល្អ នំចាក់ឆុរ មិនសូវឡើងទេ ហើយនំក៏រឹងទៅតាមនោះដែរ។ បើកាច់ល្អ នំមានរសជាតិទាន់ ហើយផ្អែមឆ្ងាញ់ណាស់។

Phum Artist

Search This Blog